[文字的口音]

________________________________________

來自南方之南

說話的人

總帶著

海風一樣的口音

像漣漪徐來

清澈地

盪入腦際

略鹹

你咁講咩意思先

其實無乜嘢

只係有嗰句講嗰句

腸直肚直而已

做人最緊要正直

唔想亂吹水

睇唔明咩

咁係你嘅問題

我們說普通話

半鹹不淡

因為我們的母語

是叫北方人蛋痛的廣東話

我們寫的文字

是帶口音的白話文

為了接地氣

一點也不古雅

玩嘢呀

講吓笑啫

駛唔駛死呀

你咁惡做乜啫

我都未問候你娘親

駛唔駛咁小器呀

算嘞講多無謂

費事一陣打起上蒞殃及無辜